Beeld
’n Noodtoestand vind gestalte
in die ondierlike menslikheid
van die polsende vuis,
neem die borskas op horings.
Om te leef is ’n stryd,
oorlewing is Struggle Art
gekonfronteer met die selfportret:
oopgekloof en ruggraatloos
drie-enig verpak binne die self
toegedraai in sintuiglose seisoene:
die gehoor gekelder
die spelonk van die mond
die afgrond van die oog
verbeeld in die verbeelding
as gedrogbeeld
’n spieëlbeeld?
© Yolanda-Faye Holden, 2025
Kunswerk:
Butcher Boys
Deur Jane Alexander
Internetskakel: