Rammelkop
Vir Jan Lotz
tussen Sutherland en Merweville
in die Bo-Karoo kruie ons
teen die bergpas uit – die wind
waai skraal en ons praat min
die openbaring wat die kruin bied
slaan ons asems weg – die einde-
lose uitsig oor die fossielemeer
ver onder bewys dat die verlede
hier help skep aan die groot verskiet
© Daniel Hugo, 2025
Baie dankie, Charl-Pierre!
Amwer daar
Ek hoor hoe die skrywer dit voorlees.
‘n Baie mooi gedig