Teen sononder
vir Sparks Joubert ( 4 Junie 1958 – 11 Julie 2025)
In die laatsomer
kuier ek en jy hier op die stoep,
gesels ons oor godsdiens,
verlies en sterflikheid
en die liefde wat uiteindelik als bedek.
Aan Creutzfeld–Jakob dink nie jy of ek …
Herinneringe uit ons kinderdae bring ‘n glimlag,
onthou ons saam.
Ses maande later in die winter
sit ek weer hier op die stoep,
die koorsbome trek skadu’s oor die gras,
rookmis draal oor Mamelodi
en onder die oorhang van die dak
skuil ‘n duif naby aan sy lyf teen die wind.
Ek dink terug aan Wes Transvaal waar agtermiddae
die son kneus tot ‘n inniger skakering rooi,
onthou ek.
Hendrik J Botha, 07/2025
Hartgrypend.