HUWELIK
Ons het kinders, dit tel vir twee.
Meestal gaan ons na verskillende films.
Oor die uitmekaarleef praat die vriende.
Maar my en jou belangstellings
het nog altyd maar
dieselfde raakpunte.
Nie net die vraagstuk van die mansjetknope nie.
Ook dienste gelewer:
Hou gou-gou die spieël vas.
Gloeilampe vervang.
Iets gaan haal.
Of gesprekke, tot alles bespreek is.
Twee senders wat soms gelyktydig
op ontvangs ingestel is.
Moet ek afskakel?
Uitgeputheid veins harmonie.
Wat skuld ons mekaar? Dit.
Ek hou nie daarvan nie: Jou hare in die toilet.
Maar ná elf jaar nog pret met die besigheid.
Om een vlees te wees terwyl pryse op en af gaan.
Ons dink spaarsaam in kleingeld.
In die donker glo jy als wat ek sê.
Lostorring en oorbrei.
Gerekte versigtigheid.
Baiedankiesê.
Ruk jouself reg.
Jou grasperk voor ons huis.
Nou is jy weer ironies.
Lag tog daaroor.
Toe, skoert as jy kan.
Ons haat is weerbestand.
Maar af en toe, verstrooid, is ons teer.
Die kinders se skoolrapporte
moet geteken word.
Ons trek mekaar van belasting af.
Oormôre eers is dit verby.
Jy. Ja jý. Moenie so baie rook nie.
***
EHE
Wir haben Kinder, das zählt bis zwei.
Meistens gehen wir in verschiedene Filme.
Vom Auseinanderleben sprechen die Freunde.
Doch meine und deine Interessen
berühren sich immer noch
an immer den gleichen Stellen.
Nicht nur die Frage nach den Manschettenknöpfen.
Auch Dienstleistungen:
Halt mal den Spiegel.
Glühbirnen auswechseln.
Etwas abholen.
Oder Gespräche, bis alles besprochen ist.
Zwei Sender, die manchmal gleichzeitig
auf Empfang gestellt sind.
Soll ich abschalten?
Erschöpfung lügt Harmonie.
Was sind wir uns schuldig? Das.
Ich mag das nicht: Deine Haare im Klo.
Aber nach elf Jahren noch Spaß an der Sache.
Ein Fleisch sein bei schwankenden Preisen.
Wir denken sparsam in Kleingeld.
Im Dunkeln glaubst du mir alles.
Aufribbeln und Neustricken.
Gedehnte Vorsicht.
Dankeschönsagen.
Nimm dich zusammen.
Dein Rasen vor unserm Haus.
Jetzt bist du wieder ironisch.
Lach doch darüber.
Hau doch ab, wenn du kannst.
Unser Hass ist witterungsbeständig.
Doch manchmal, zerstreut, sind wir zärtlich.
Die Zeugnisse der Kinder
müssen unterschrieben werden.
Wir setzen uns von der Steuer ab.
Erst übermorgen ist Schluss.
Du. Ja Du. Rauch nicht soviel.
Vertaal deur Robert Schall
___________________________
Oor Günter Grass:
https://af.wikipedia.org/wiki/G%C3%BCnter_Grass
Oor die gedig (ʼn vertaling en kort bespreking in Engels):
https://allpoetry.com/poem/11647128-Ehe–Marriage–by-G%C3%BCnter-Grass
____________________________________________________________________________________________________________
KINDERLIED
Wie lag hier, het gelag?
Hier is mens klaar met lag.
Wie hier lag, is verdag,
dat hy om redes lag.
Wie huil hier, het gehuil?
Hier is dit klaar met huil.
Wie hier huil, wys daar skuil
redes agter sy gehuil.
Wie praat hier, praat en swyg?
Wie swyg, word aangegee.
Wie hier praat, het verswyg
wat daaragter steek.
Wie speel hier, speel in die sand?
Wie speel, word teen die muur
laat staan; hy speel met vuur,
verbrand, speel-speel, sy hand.
Wie sterf hier, het gesterwe?
Wie sterf, is aangewerwe.
Wie hier sterf, onbedorwe,
is ongegrond gestorwe.
***
KINDERLIED
Wer lacht hier, hat gelacht?
Hier hat sich‘s ausgelacht.
Wer hier lacht, macht Verdacht,
daß er aus Gründen lacht.
Wer weint hier, hat geweint?
Hier wird nicht mehr geweint.
Wer hier weint, der auch meint,
daß er aus Gründen weint.
Wer spricht hier, spricht und schweigt?
Wer schweigt, wird angezeigt.
Wer hier spricht, hat verschwiegen,
wo seine Gründe liegen.
Wer spielt hier, spielt im Sand?
Wer spielt, muß an die Wand,
hat sich beim Spiel die Hand
gründlich verspielt, verbrannt.
Wer stirbt hier, ist gestorben?
Wer stirbt, ist abgeworben.
Wer hier stirbt, unverdorben,
ist ohne Grund verstorben.
Vertaal deur Robert Schall
___________________________
ʼn Voordrag van die gedig:
’n Filmiese weergawe van die gedig:
Terug na Honderd van die bestes: Vertalings van ’n keur uit 20ste-eeuse Duitse gedigte