die gewete maak nie lawaai nie
dit kom soos ’n stil teenwoordigheid
wat nie padgee nie
nie as kennis nie
maar as aanspreeklikheid
’n masjien kan die goeie benoem
die taal van barmhartigheid rangskik
die vorm van skuld nadoen
berou op grammatikaal korrekte wyse verwoord
maar dit kniel nie
daar is geen binnevertrek
waar stilte terugpraat nie
geen nag waarin woorde bly hang
en swaarder word nie
© Margaret Cordier – Biermann, 2026