Foto 23: Boesmangras
https://photos.app.goo.gl/yMJaFhYqpg1ETy678
Sonnet vir NP
elk geslag opnuut in verwondering
onpeilbaar die diepgang van jou denke
pynlik die bewussyn van verlange
‘n lewenslot oor elke mens gebring
intens gesoek na dit wat waarheid is
misterie wat heel die mensheid ontwyk
ewig hunker is die innerlik stryd
wat tot sterre roep om betekenis
jou woorde is die boom wat aanhou groei
die wind wat elke spinnerak verwaai
die son wat lewe bring en weer laat bloei
jy het gesaai waar ons met moed kan maai
die krag wat keer dat twyfel oor ons vloei
jou woorde rig ons na die lig te draai
© taki du plessis, 2026