 Alwyn Roux is ’n medeprofessor in literatuurwetenskap en kreatiewe skryfkuns aan die Departement Afrikaans en Algemene Literatuurwetenskap by Unisa. Gebore en getoë in Benoni, het hy sy akademiese loopbaan aan die Potchefstroomkampus van die Noordwes-Universiteit begin, waar hy sy doktorsgraad in Afrikaans en Nederlands in 2015 verwerf het. Sy navorsing fokus op die landskapfenomenologie in die latere poësie van Breyten Breytenbach en Lucebert. Hy is die stigter van die interuniversitêre aanlyn platform Samespraak. As lid van die Suid-Afrikaanse Akademie vir Wetenskap en Kuns (SAAWK), PEN Afrikaans, en die Letterkundeassosiasie van Suid-Afrika (LASA), speel hy ’n aktiewe rol in die bevordering van Suid-Afrikaanse literatuur. Sy debuutbundel, Weerskyn, is in 2024 by Protea Boekhuis gepubliseer. |