Raka in my tuin
“In sy latere werke (soos Nuwe Verse) gebruik N.P. van Wyk Louw dikwels rympies en liedjies om sy gevoel van vervreemding te hanteer.”( Litnet 2024-02-28)
Ek sien vir Raka, Raka,
Raka in my tuin,
so deur die blare
loer hy vir my;
daai Raka, Raka,
Raka in my tuin.
Ek gaan roep my ma,
maar toe sy kom kyk
het daai Raka reeds verdwyn;
daai Raka, Raka,
Raka in my tuin.
Sy vat my na die shrink, hy sê:
Die kind kyk te veel nuus
nou sien hy spoke wat kon bly …
(Mevrou, jou seun kort
dringend terapie
om al sy wit duiwels uit dryf.)
Nee, my omie,
ek het dit nie gedroom nie
en ek is g’n mental case;
ek sien net vir Raka, Raka
Raka in my tuin.
Ek sê jou die ou,
lyk nes Van Wyk Louw
hom in daai voorgeskrewe boek beskryf:
Daai Raka, Raka met moerse groot orgaan
en die helse sterk lyf.
Daai Raka, Raka doen sy Haka[i] in my tuin.
Daai Raka, Raka met sy AK[ii] in my tuin.
Daai Raka, Raka hy lag ka-ka, ka-ka in my tuin.
Ek voel so gegrief, ek voel nes Piet Retief[iii]
met daai assegaai in my lyf,
want daar’s ‘n Raka, Raka,
Raka in my tuin.
Daai Raka, Raka maak sy H.K.[iv] in my tuin.
Daai Raka Raka met sy AK in my tuin.
Daai Raka Raka hy kakka in my tuin.
Daai Raka Raka hy laat my Koi-visse kwyn[v],
want daai Raka Raka hy pieps[vi] in my fontein!
© Hennie Nortjé, 2026
[i] Haka: Verspotte, nou reeds erg vervelige, vooraf stryddans van ons nommer een rugby-vyande.
[ii] AK: Kort vir AK47, outomatiese masjiengeweer waarmee miljoene mense en diere oor die laaste halfeeu afgemaai of vermink is.
[iii] Piet Retief: Naïewe Voortrekkerleier wat ongelukkig sy voorlaaier buite Dingaan se kraal agtergelaat het.
[iv] H.K. Ter wille van destydse diensplig-ontduikers: dis ‘n militêre afkorting vir “hoofkwartier” en verwys beslis nie hier na die “huiskomitee” van een of ander koshuis nie.
[v] Menslike uriene versteur water-ph. Dit laat alge floreer en visse vrek. Rondlopers en grondbesetters moet dus ten sterkte ontmoedig word om in visdamme te urineer.
[vi] Ter wille van meer sensitiewe lesers word ‘n eufimisme hier gebruik; dit skep selfs die moontlikheid om hierdie bondiger en meer kontemporêre weergawe van Raka in die toekoms as voorgeskrewe werk te laat dien.
Hierdie strydlied is noodwendig ook geskik as dreunsang voor die afskop Saterdae op Loftus. Bladmusiek is juis vir hierdie doel gratis op aanvraag beskikbaar. (Sweet Caroline, my skat, ek is bevrees jou dae is getel; for good times never seem so good anymore!)