Posts Tagged ‘Diana Ferrus gedig’

Diana Ferrus. “Innige medelye”

Monday, February 21st, 2022

 

 

 

“Innige medelye”

 

met die ontmoeting

steek ons elmboё uit

masker-vas

tree nader

en spring weer teru

uitasem sệ ons tegelyk

“innige medelye”

in hierdie tyd

loop ons

beklemming om die hart

desperaat vir aanraking

moet ons vergeet van eie-rou

ons steek elmboё uit

masker-vas

tree nader

en spring weer terug

“innige medelye”

die mantra van die eeu?

 

Hierdie gedig – ’n inskrywing vir die jaarlikse AVBOB Poësiekompetisie – is in die AVBOB Poësiebiblioteek gepubliseer, en word herpubliseer met toestemming van die AVBOB Poësieprojek. Klik hier om toegang tot meer as 17 000 gedigte in al 11 amptelike Suid-Afrikaanse tale te kry: https://www.avbobpoetry.co.za/Poem/ViewAll