My geliefde voormalig
Sy kleur haar gesig
elke oggend in perfek:
rooi lipstiek, maskara,
selfs ‘n bietjie poeier
op die wange voltooi
die prentjie alte flink.
Sedert haar vertrek
in my skoon badkamer
staan daar Charlotte Rhys
se Hand & Body Lotion
naellak en ‘n skêrtjie
langs haar handdoek.
Soms ontdek ek op
die duur geweefde wolmat
een van haar swart hare
en maskarastrepe op my
wit kussings op die dubbelbed
nou ‘n solo-ruimte uit-ge-strek.
Die verloofring weggesmyt?
Sit nou heel gepas
dalk onvanpas op my
kleinste vinger stom gebuig:
jambies onvolmaak
in drie stanzas oopgevlek.
© Joan Hambidge, 2026