Vrye teuels
noudat tyd
sy eie koers kom vat
sonder stuur of stang
op ʼn stywe draf
en hy weghol deur rivier oor brug
teen koppies die vallei in af
ry ek verse vinnig en bloots
al waarsku Myburg ook —
jy is nie Charles Bukowski
wil ek voel
hoe die water uit die drif
slierte waai deur my gesig
©️ Margaret Cordier-Biermann, 2026
Dankie, Andre — jy verf gedigte en ons ry nou tyd en woorde bloots.
Uiters gemaklik op die literere verteringsstelsel.
tyd die tiran het sy deugde.