Om ‘n baba te laat gaan …

Indrukke van twee van die vier sessies.

Deur: Helena en Pieter Conradie

 

Liewe Louis en Marlise, baie dankie vir die kans om ietsie te pos in die Brieweboks. Ai, dis darem ‘n mooie baba die Versindaba! Dankie dat julle twee dit tot stand laat kom het en dankie vir al die harde werk. Julle het ‘n wonderlike ding begin. Noudat julle die baba gaan laat gaan, hoop ons dat hy op eie pote kan staan. Ons het die Vrydag- en Saterdagaand bygewoon.

Terugvoering wat ons wil gee, is dat ons baie gehou het van veral bydraes soos die van Danie Marais en Diek Grobler. Dit werk baie goed om sulke professionele aanbiedings tussen die lees van gedigte te plaas. Miskien kon mens die verse wat die digters gelees het op die skerm, wat klaar daar was, geprojekteer het. (Ek praat slegs uit ‘n entertainer en kommunikeerder se oogpunt.) Nie alle gedigte is met die eerste aanhoor verstaanbaar nie!!Dis baie werk, maar ek sou ook wou sien dat die verse wat die digter lees, gekeur word. Daar behoort net gedigte wat reeds gepubliseer is, gelees te word om gehalte te verseker. Dalk sal dit goed wees om iemand aan te stel vir die aand se regie. Die digters sal ook meer gemaklik voel as hulle bietjie hulp kry. Dis so wonderlik om die digters daar te hê. Dit gaan trouens oor hulle!

Dankie aan al die professionele groepe en enkelinge soos David Kramer wat opgetree het .

Ons mooiste en beste wense vorentoe!!

 

Bookmark and Share

Comments are closed.

  •