Dit is Vrydag die 13de en April is Poetry Month. Ek glo nie die storie dat 13 ‘n ongelukkige getal is nie, maar ek het sowat ‘n uur gelede dansksy Bibi Slippers die plan gekry om iets te doen wat dalk party ander mense se idee hieroor ook kan verander. Net miskien. Maar ek sal nooit weet nie (en dis die “beauty” daarvan).
Ek het in Desember 2011 ‘n paar Afrikaanse digbundels te koop gekry teen R2 elk. Nee, regtig. Ek het die arme bundels so jammer gekry dat ek almal gekoop het. Sommige het ek nou al uitgedeel aan vriende en ouetehuise. Maar ek het nog steeds vier of vyf “doubles” oor. En vandag gaan ek iets doen wat ek gewoonlik nie doen nie: Ek het nounet al die bladsye uit twee bundels geskeur. Nou gaan ek na ‘n mall toe ry en ek gaan gedigte agter toiletdeure plak en in koffiewinkels se spyskaarte sit.
Laat die verse dan soos ‘n goeie knertsie val waar hulle wil op hierdie dertiende dag van die cruelest month.
O ek hou daarvan, Hannalie. Hmmm, ek dink ek gaan vandag op my Pretoria trippie nog ‘n guerilla-gebaartjie met woorde pleeg.
wonderlik! dit laat my dink aan ‘guerrilla art”- oftewel in hierdie geval: “guerrilla poets/poetry”
Ek dink hulle beboet my as ek iets in die Gautrein plak, maar ek wonder, Ian en Marie, ons is sekerlik al mal genoeg vir ‘n flash mob van verse?
Rene! Briljante idee! Ek loop al ‘n paar jaar met die idee rond vandat ek in ‘n trein in Londen gery het, en daar was oral kort gedigte teen kante geplak – jy kon dit nie mis nie, veral as die wa vol is, en mense staan styf teenmekaar, dan is dit mos soos in ‘n hyser, jy weet nie waar om te kyk nie..Ek het gehoor dit word in busse in Nederland ook gedoen … Al wat jy nodig het is ‘n paar crazy poets!!! Groete, Marie Bredenkamp
Mooi. Unsung sushi.
Wonderlik, Louis, dankie. Ek het nie ‘n helikopter nie, maar ek begin wonder of mens nie dalk elke Vrydag gedigte kan plant op onverwagse plekke nie.
En hier is die skakel na ‘n stuk wat ek ‘n paar jaar gelede geskryf het oor die anonieme verspreiding van 100,000 gedigte: https://versindaba.co.za/2010/09/08/wanneer-dit-begin-om-gedigte-te-reen/
Briljante idee! Hoop iemand iewers gaan in die toekoms meer gedigte lees!
Dankie Beatrice! Ek is so bly jy plaas die skakels:-)
René, dankie vir die lees, ek is so bly om te hoor iemand koop in!
Hier is die artikel met die ander 17 idees ook: http://www.litnet.co.za/Article/poetry-in-motion-of-iets-van-die-geaardheid
En die bladsy op poets.org: http://www.poets.org/page.php/prmID/41
Groete
Bibi