Louis Esterhuizen. Sir John Betjeman se woelinge onthul in liefdesbriewe

Sir John Betjeman was sekerlik een van Brittanje se mees geliefde poet laureates ooit en as sulks ook ‘n uiters geliefde televisie-persoonlikheid. Hy is in Augustus 1906 gebore en in 1969 tot ridder geslaan en in 1972 tot poet laureate verkies. Op 19 Mei 1984 is hy oorlede.

Sir John Betjeman

Sir John Betjeman

Onlangs het die Daily Mail egter berig dat dié geliefde digter se verwikkelde liefdeslewe aan die lig gekom het na aanleiding van 100de liefdesbriewe wat uit kartonhouers onder ene Margie Geddes se bed na haar afsterwe in 2006. Hiervolgens blyk dit dat Betjemans heel bedrywig was aan die romantiese kant van sake deurdat hy nie net 53 jaar lank getroud was met sy vrou Penelope nie, maar ook dekades lank verhoudings gehad het met twee ander vroue, te wete Lady Elizabeth Cavendish en die reeds genoemde Geddes.

Dié briewe gaan nou vanaf 27 Oktober in Uffington, Oxfordshire, ten toon gestel word en een van sy twee kinders by Penelope, Candida,  is verantwoordelik vir die redigering van dié briewe.

Nietemin, volgens die Daily Mail se berig het Betjeman aan die einde van sy lewe die opmerking gemaak dat al waaroor hy berou het, is dat hy nie meer seks gehad het in sy leeftyd nie … Iets hiervan skemer deur in die volgende opmerking van me. Geddes: “‘He was a highly sexed man, practically to his death. To be with John B was to enter another world – a more scintillating world, with the freshness of a child’s outlook, where everything is a discovery, nothing taken for granted, things seen not with the sight but with his vision and enhanced by his imagination.”

Margie Geddes

Margie Geddes

Betjeman het Geddes, wat in 2006 op 98 jarige ouderdom oorlede is, nog voor sy troue in 1929 ontmoet. En die vonke het gespat, aldus me. Geddes: “Quite suddenly in a flash I was aware that this was no ordinary person, but someone very special. No, it wasn’t love, it was just an awareness of potential greatness.” Drie jaar later is die verhouding egter beëindig toe sy verneem het van Betjeman se huwelik met Penelope Chetwode.

Daarna het sy haar self in ‘n huwelik begewe; ‘n huwelik wat reeds op die rotse was toe haar paadjies wéér met die heer Betjeman s’n kruis in 1960 en ten spyte daarvan dat hy reeds Lady Elizabeth Cavendish as minnares vertroetel het, het hy sonder enige skroom sy verhouding met me. Geddes hervat.

‘n Verhouding wat na haar dood deur haar seun, Andrew, bekend gemaak is: “The affair was revealed by her son Andrew, who said it was her wish that, once she was gone, the world should learn the truth.” Aldus die Daily Mail se beriggewer.

Hieronder volg een van Sir John Betjeman se meer kontroversiële gedigte soos dit deur die Daily Mail in ‘n verkorte weergawe gepubliseer is, gevolg deur Luuk Gruwez se heerlike parodie daarop.

 

***

Slough

Come, friendly bombs, and fall on Slough!
It isn’t fit for humans now,
There isn’t grass to graze a cow.
Swarm over, Death!

Come, bombs and blow to smithereens
Those air -conditioned, bright canteens,
Tinned fruit, tinned meat, tinned milk, tinned beans,
Tinned minds, tinned breath.

Mess up the mess they call a town-
A house for ninety-seven down
And once a week a half a crown
For twenty years.

And get that man with double chin
Who’ll always cheat and always win,
Who washes his repulsive skin
In women’s tears:

And smash his desk of polished oak
And smash his hands so used to stroke
And stop his boring dirty joke
And make him yell.

But spare the bald young clerks who add

The profits of the stinking cad;
It’s not their fault that they are mad,
They’ve tasted Hell.

© Sir John Betjeman

***

Kortrijk

‘Come friendly bombs, and fall on Slough’ (J, Betjeman)

 

Kom, lieve bommen, val op Kortrijk.
Niet omdat ik daar ontstond
tussen Walle en station,
uitgerust om op te krassen,

maar daar in Kortrijk wezens wonen
met trage tranen en met snelle winden,
muffer dan – eertijds- het rotend vlas
in het gouden water van de Leie.
En daar in Kortrijk mannen wonen
met schuine moppen, met centen die kloppen
in hun te diepe, haast diepzinnige zakken.

Kom, lieve bommen, donder neer, verpletter Kortrijk.
Maar spaar de kinderen van Stella Maris,
de sullen van de Pottelberg,
de hoeren van de Papenstraat.

En o, voordat ik het vergeet,
spaar ook mijn tante en de haren.
Spaar toch vooral mijn malle nicht
die dertig is en aan een telraam zit
en telt en telt en nooit iets vindt dat klopt.
Kortom, spaar Kortrijk maar.

© Luuk Gruwez (Uit: Vuile manieren, 1994: Uitgeverij De Arbeiderspers)

 

Bookmark and Share

Een Kommentaar op “Louis Esterhuizen. Sir John Betjeman se woelinge onthul in liefdesbriewe”

  1. Plaas vir ons ook Hennie van Coller se vermaaklike vertaling van Gruwez se gedig, asseblief Louis!

  •