Rooiborsduif: Gedigte oor die Liefde.
Breyten Breytenbach
Samesteller: Charl-Pierre Naudé
’n Oorsig van Breyten Breytenbach se digkuns is ‘n voëlvlug oor ‘n wye era: vanaf die jare sestig tot vandag, waarin beide Europa en Afrika hulself radikaal herdefinieer het. In hierdie herdefiniering staan Breyten Breytenbach, die digter, mens en denker soos ’n skakelende deurpos. Elke gedig is soos ’n tekening of ’n skildery waarin tekens en betekenis in vloeiende verbande tot mekaar staan en waarin gunstelingtemas weer en weer ter sprake kom – elke keer uniek geskommel soos kwashale op die doeke van Jackson Pollock se skilderye of die stippels in ’n kaleidoskoop wat nooit ophou draai nie.
Die gedigte is chronologies gerangskik volgens die digter se lewensgang: jongmenslewe in Kaapstad, Parys, effektiewelike bannelingskap weens sy huwelik, terugkeer en tronkstraf, die buiteland. En oplaas ’n onrustige pendelaarslewe tussen noorde en suide van die aardbol, waarin volledige tuiskoms slegs in die arms van die liefde is. (Human & Rousseau, 2019, 192 pp; hardeband, prys R300, ISBN13:9780798178761)
[Yves T’sjoen skryf die volgende: In de aanloop van Breyten Breytenbachs tachtigste verjaardag is de anthologiebundel Rooiborsduif. Gedigte oor die liefde verschenen (met dank aan Dewald Koen voor de coverfoto). De titel verwijst naar het gedicht dat in 2014 is verkozen tot “het mooiste liefdesgedicht in het Afrikaans” (Writers Unlimited i.s.m. Week van de Afrikaanse roman). In september verschijnt in het fonds van Podium ‘Allerliefste’ met 25 liefdesgedichten (getiteld naar het eerste woord van ‘Rooiborsduif’ en geselecteerd door Charl-Pierre Naudé, vertaling door Laurens van Krevelen). Tuin van Digters (13-14 september), Nacht van de Poëzie (Utrecht, 28 september) en het Gents Centrum voor het Afrikaans en de Studie van Zuid-Afrika (UGent, 16-18 oktober) hebben de schrijver binnenkort te gast.]
https://www.writersunlimited.nl/nieuwsbericht/terugblik-rooiborsduif-van-breyten-breytenbach-verkozen-tot-mooiste-afrikaanstalige-gedicht
Al wat ek kan se, is: Laat die tjorts opnuut begin! 🙂
Geërde kameraad Karel-Petrus , liewe Nèlleke –
Dis nie innig aan ons flikkerende ‘kultuur’ om emosies te wys of te laat sien mens is aangedaan nie. En ek vertrou nie meer my ‘verdedigingsmeganismes’ om te help keer om nié te laat blyk hoe eenvoudig dankbaar mens is nie…
Julle sal maak dat ek op hierdie onrype ouderdom ontydig en onbetaamlik aan die huil gaan – en dit dan in woorde probeer wegsteek – en dan begin die tjorts opnuut – en dan is julle van voor af in die verleentheid oor die ou man wat net nie sy draai kan kry, nié soos die Siena van ouds die sware stampers en dowwe klinkers wil neersit nie.
Wat sê mens behalwe ‘dankie’? Dis vandag die 27ste. (Sover ons weet, en tot vanaand.) ‘n Goeie datum vir ‘n mooigemaakte baken. Ek het geblaai en geproefproe en is, as inkommer, trots op wat julle gedoen het. Dit is mooi! Dankie aan die vormgewers.
En Charl-Pierre: ek het gelees – dankie dat jy soveel wat andersins onleesbaar sou wees toeganklik en anders en nuut gemaak het.
Dankbaar, my krone –
Jan Ka’afir Afrika
Dis vir my ‘n eer om by hierdie publikasie betrokke te wees. Breyten is ‘n werelddigter. Maar ook iemand wat enige plaaslike, in die sin van plek sowel as moment, MEER plaaslik in sy eie tooiings kan maak voel en lyk, as enige iemand waarvan ek weet. Lank lewe hierdie oomblik, in sy plek en ook daarbuite. Dankie aan Human & Rousseau, aan Nelleke de Jager, aan al die meewerkers, aan die genadige Noodlot en sy engeltjies, en aan dit wat Afrikaans as letterkunde deur en deur verdien.