Kontantprys vir beste artikel

 

Uitnodiging aan nagraadse studente, pas afgestudeerdes en navorsers

 

Versindaba rig graag ‘n uitnodiging aan nagraadse studente, pas afgestudeerdes en navorsers of ander kundiges op die gebied van die poësie, die literêre teorie, filosofie of enige ander rigting wat verband hou met die bestudering van poëtiese tekste om op gereelde grondslag of eenmalig kort artikels (500 – 800 woorde) oor aspekte van hulle navorsing aan ons te stuur. Dit impliseer nie afgehandelde navorsing of akademiese artikels nie, maar kort grepies met interessante inligting. Sodoende bly ons op die hoogte van navorsing en tendense op ons vakgebied en bied dit nuwe fokuspunte vir die lees, begrip en waardering van poësie.

Aan die einde van 2021 loof ons dan ‘n kontantprys van R2 500 uit vir die beste artikel en R1 000 vir die naaswenner.

Inskrywings kan gestuur word aan die Inhoudsbestuurder: taljard.marlies@gmail.com

Bookmark and Share

3 Kommentare op “Kontantprys vir beste artikel”

  1. Bernard Odendaal :

    Blink plan!

  2. Joan Hambidge :

    Goeie idee veral in hierdie dae waar studente dikwels kla oor isolasie.

    En dit is belangrik om nuwe tendense te bespreek wat dikwels ook nie so nuut is nie, maar al lankal deel is of was van die Afrikaanse digkuns.

  3. Ek kom onlangs af op ’n artikel in die Nederlandse tydskrif “Trouw” : “Tomas Transtromer, ‘Het wilde plein – Gedichten 1948 – 1990 De sterrenbeelden stampen in hun stallen’”.

    Die kort artikel begin met:

    “Transtromers werk beweegt zich tussen dromen en waken, tussen hemel en aarde, tussen leven en dood. Op de grens ontmoeten de werelden elkaar.”

    En eindig met:

    “Groots, deze poezie.”

    Uit “Trouw” deur T van Deel 10 Sept 1992

    Dit is m.i. ’n goeie voorbeeld van ’n stuk wat handel oor literatuur van groot gehalte, maar geskryf in ’n taalstyl wat maklik leesbaar is en goeie inligting bied vir ’n leser wat nie noodwendig ’n literator of literatuurkundige is nie. Artikels soos voorgestel, kan moontlik in hierdie, of ander gemaklike style geskryf word.

Los kommentaar

 

*

  •