(28)
is wyngaard ‘n verouderde woord van ‘n verlate land
of nie ‘n landskap onder ‘n wolk met ‘n beloftelose rand
die ideaal is self vrug: by ‘n bekken by ‘n kuip
en wyn is nie nes die laaste woord in die pes van ons tyd se hand
***
(29)
‘n donkerte van drie dae pre-eskom so dik jy kon dit ongelowig gryp
net die heilige blindes was toe nie regtig in die knyp
en dit pas na pes onder plaasdiere rou swere aan minister en muis
ook die elite se vleespotte kapot en die ou land glad nie vir wingerdbou ryp
© Waldemar Gouws, 2021
