Wenner van haikoe-wedstryd

 

 

 

 

HEIN VILJOEN is die wenner van Versindaba se haikoe-wedstryd met sy 5 haikoes:

 

kaalvoet in ‘n poel

sit sy aandagtig en staar

skuim spat op haar dy

 

*

 

blos op die wange

kronkel skielik oor haar maag

‘n flits in ‘n grot

 

*

 

jou hand streel vlugtig

oor sy wang sy skurwe baard

warm soos son oor klip

 

*

 

jou glimlag sprei langs-

saam oor die hoek van jou mond

sonneblom vol son

 

*

 

sy stap die kamer

in weerkaats die son kil soos

volmaan bo ‘n rant

 

© Hein Viljoen, Augustus 2021

 

 

Bookmark and Share

2 Kommentare op “Wenner van haikoe-wedstryd”

  1. Zandra Bezuidenhout :

    Wel gedaan, Hein!

  2. Waldemar Gouws :

    Baie geluk aan die wenner!

Los kommentaar

 

*