Joan Hambidge. Tonight I can write the saddest lines.

 

Tonight I can write the saddest lines.

Puedo escribir los versos más tristes esta noche.

 

Vanaand kan ek die hartseerste reëls skryf

oor haar; sy wat nooit aan my behoort

het nie, maar my lief had alles ten spyt.

 

Die soel nag het aan ons behoort

in vele vlugvertragings in Santiago de Chili,

die stad van Neruda, steeds na haar bly roep

 

in huise van drome: La Chascona, La Sebastiana,

Isla Negra op ‘n soloreis wég van ontrou,

met die Andes as die stille toehoorder hiervan.

 

Hoe kort die liefde, hoe lank die ontrou.

 

Vanaand sal ek die hartseerste reëls skryf

oor haar; sy wat steeds aan my behoort

en in vele palinodes terugkeer met spyt.

 

© Joan Hambidge, 2021

 

 

Bookmark and Share

Een Kommentaar op “Joan Hambidge. Tonight I can write the saddest lines.”

  1. “… harseerste reëls …” Vernuftige verafrikaansing van “más tristes”. Dit is ‘n eerlike en onopgesmukte woord wat ‘n moontlike “deftige digterswoord” vermy.

Los kommentaar

 

*