vir vincent van gogh
(30/3/1853 – 29/7/1890)
sou jy vir my die huppeltjiedrup
van reën op die dor van onse namakwaland
uit jou skilderkwas kon laat spat
sou jy vir my die sterretjiegeel
van perdebos teen onse swartkliprante kon laat los
sou jy die die spikkeltjiewit
op die punt van ‘n kanniedoodblaar
tussen huppeltjiedrup en sterretjiegeel uit jou kwas kon toor
sou ek vir jou rooiblou sporries
en geelgraansterre uit die swart van jou grasgroen hemel laat val
© Thomas Deacon, 2021
Loflik-liewelik-lieflik…