Terwyl ek skryf
Terwyl ek skryf, my inleef in die Laingsburgvloed
stamp ek per ongeluk my waterglas
verdrink: rekeninge aandenkings foto’s
en my kamtige notas…
Nou kan jy herskep, word gered
as jy iets weet uit so ʼn vloed
jou kruk – jou konka gassilinder vlot
die wagwoord, die wagwoord
Jy verhuis van die nou
en ontvlug in die onthou:
die oorvloed van materie,
ook van geestelike inligting en boeke
jy is be-in-vloed
gebreinspoel? Oorrompel onderdompel
Wanneer word jy weggeraap?
Is daar olie in jou kruik;
Nou gelouterde water in jou glas?
© Trienke Laurie, 2022