Johann Lodewyk Marais. Bloedreuk

 

Bloedreuk

 

Rustig, Opperman,

op dié vragmotor

wat nie terugdraai

weiveld toe nie.

 

Beweeg stadig af

en volg die gang

met die kurwe –

nou op jou eie.

 

Die propgeweer se slag

sal gou verby wees,

jy buite weste

as die haak jou ophys.

 

Ná die flits van ’n lem

gaan jy leegbloei

voor ons jou stukke

vlymskerp opsny.

 

© Johann Lodewyk Marais, 2022

 

Bookmark and Share

Comments are closed.