Johann Lodewyk Marais. Pofadder

 

Pofadder

Bitis arietans arietans

 

Die pofadder lê doodstil

met ʼn suurstofpyp in sy keel

onder ʼn Zeiss-mikroskoop

en ná die afbind van die are

kom met die fyn, fyn voel

van die dissekteerskêrtjies

tussen vier hande

die gifkliere aardig uit

vóór met dun naald en gare

die wond toegewerk word,

terwyl die slang se hart

tussen gekielde lyfskubbe klop –

gereed om net vir die vertoon

na sy hanteerders te pik.

 

(Sefako Makgathouniversiteit)

 

            © Johann Lodewyk Marais, 2022

 

Bookmark and Share

2 Kommentare op “Johann Lodewyk Marais. Pofadder”

  1. Zandra Bezuidenhout :

    Besonders, Johann!

  2. Johann Lodewyk Marais :

    Baie dankie, Zandra.

Los kommentaar

 

*