Johann Lodewyk Marais. Wildebraam

 

Wildebraam

Rubus plicatus

 

Wildebraam middag,

wildebraam woord,

’n voël het dié dag

koers gekry noord.

 

Soek ek in die lug

om te sien waarheen

bly ek met leë hande

en mis die reën.

 

Wildebraam middag,

wildebraam onthou –

het ek ook verdwaal,

bly ek in die kou.

 

Digteby se roep

weerklink oor die veld

en ná al die jare

word ’n naam vermeld.

 

Klip dra die toekoms

na waar dit tuishoort.

Wildebraam middag,

wildebraam woord.

 

(Na Ingrid Jonker)

 

 © Johann Lodewyk Marais, 2022

 

Bookmark and Share

Los kommentaar

 

*