’n Gesprek op jou dertigste verjaarsdag
in ’n oomblik vind jy jou terug
by die huis waar jy klein was
wys vir my
die gras en die son
noudat jy weer na alles gelukkiger voel
sê jy die ergste was nie noodwendig
die kanker of die verlies van geliefdes aan die dood
of erger nog die lewe nie
maar dat jy daardie huis waar jy grootgeword het
moes verlaat
jy probeer verduidelik
hoe dit moes wees
soos een toneel uit daardie film
wat was dit tog gewees gladiator
nie dat dit so goeie fliek was nie
maar toe hy terugkeer
na die werf met sy geliefde vrou
en kind uitgebrand gehang
© Alwyn Roux, 2022