Sterrekind
sterrekind uit die heelal gebore
vir lank was hy in die melkweg verlore
ongeskep deur die atmosfeer gebrand
onverwags op ’n vreemde planeet beland
soos ‘n meteoriet deur die Mesosfeer
met gloeiende vuur aarde binnegetree
in vlammende geveg teen die swaartekrag
aankoms verkondig dis ontmoetingsdag
vir ligjare lank deur die ruimte gereis
was jy dalk verby die Suiderkruis
bring jy stories van ‘n ander planeet
vertel my van jou dae as ‘n komeet
het jy die res van die heelal gesien
was jy daar toe die eerste lewe ontkiem
kan jy my vertel wie’t die melkweg gekroon
kan jy onthou of was als net ‘n droom
© Gerhard Badenhorst, 2022