Gordelroos
Sommer skielik verskyn die seer
vuurtonge wat vreet en brand
oënskynlik sommer, sonder rede
tot gewraakte blasies borrel.
Antivirale medikasie maak groot konsternasie
dis jeuk en juk en brandsiekseer
lewensmoegheid wat alles oorheers
en elke dag nog ‘n Everest.
Genesing is ‘n lang tydsame proses
‘n waarskuwing om rustiger te wees
want stres is gordelroos se metgesel.
© Elna Kruger 2023