nm
Klein Nano is deesdae die wetenskap
se gonswoordmaaksel
’n ikoon sonder regulasie
waarmee een meneer
iewers in ’n laboratorium wag
om die ganske wêreld te koloniseer.
Want wanneer is genoeg ooit genoeg?
Volgens mevrou Google is nano
delikaat gelyk
aan ’n petieterige een miljardse van ’n meter
of omtrent die lengte
van drie tot ses beknopte atoompies in ’n ry
dis verspot nietig.
Maar, pro rata, is dit nie barstens toe vol nie?
Die kans op oorlog is dalk skraal
een een is hierdie soldate
vredeliewend stoftrappertjies
maar wat as hulle met mikrovervaardiging op makroskaal
losbandig en parasities aanteel
en teel en teel en teel.
En al die lewe geslepe uit my longe steel?
© Rosa Keet, 2023