Sieketrooster
Professioneel gevang deur hupse suster Ward
in haar vroedvroudomein, met net ingeval
dit aan behoorlike dekking by oorbrugging skort
‘n ingreep moontlik deur dokter Tromp of Wieookal.
Nou, in die ouderdom terug by ‘n halfwegstasierol
kan dokter langs die ledekant ‘n sieketrooster wees
onder streng voorskrifte van ‘n VOC se protokol:
Gebed verbode, maar veroorloof ‘n stukkie lees.
Met deel van die flottielje Kaap toe Goeie Hoop
en teen voorspooksels in van vreemde epidemies
dien Hoop hom aan as apoteek om by te koop
waar anders bly Lewensessens en Witdulsies.
Niks is ek immers skuldig nie as net een dood
en hart op ‘n plek verloor is nou die gees.
© Pirow Bekker, 2023