lupus
‘n trojaanse perd het by my ingevaar
witbloedliggaampies veg verbete rooibloedliggaampies is vergete
‘n man van de aar lê in die hospitaal
sy asemhaling is gekompromitteerd
hy druk die asemhalingsapparaat
styf teen sy ongeskeerde baard
daar by Potchefstroom staan die ou wilgerboom
daar by Potchefstroom loop die ou wilgerstroom
by sophiasdal staan die sifdeur oop
die etenstafel is gedek die soutpotjie is op sy plek
die elektriese drade glim teen die moeë horison
die elektriese pale buig in aanbidding neer
terwyl mirelle mathieu hartstogtelik die la marseillaise sing
terwyl die sang mars voort mars voort die velde bekroon
is die lupusbevinding nog ‘n magtelose kreet
wat soos ‘n kreef ‘n seebrander oorleef
© Hennie Maartens, 2023
Roerend.