Op hierdie vadersdag
dink ek aan my pa, my Dad,
vader en alles wat hy beteken
het voor die dood hom kon haal het.
Versorger en omgee-mens soos
scriba, sport- en versekeringsman.
Om ‘n portret van jou te maak
sedert jou vertrek, verander nou
van afstand tot hierdie binneblik
soos ‘n memoir, smeekskrif, petisie
oor die versterfreg tussen ons
geamendeer nogmaals in ‘n vers
oor verlange durend soos die wete:
hoe het dit alles so onherbergsaam
geword sonder die huis-van-my-vader
sedert sinds vanaf van na …
© Joan Hambidge