Vegetariese pastei
Apologie M van Niekerk
Jy het vir die weekend
’n ambulasie in die veld beplan
om uit die opstand van die opslag;
uit die rel, iets eetbaars te prakseer.
Daar is: blaartongetjie, predikantsluis
veldkool, misbredie, postelein, raaigras.
In die kamp waardeur jy met jou laarse
jou skrede van annihilasie laveer,
gaan jou groenspoor
besit oor die weide sinjaleer.
Met swig en afneig vir ’n pluksel:
“Die malse oes hoort in ’n kaar
om na my haard toe af te voer.”
Berei die Surinaamse pastei voor:
watter kondimente vra die resep?
Ek is vars uit nederlandismes
net jukstaponeer en eksuberansie,
’n skeutjie pikante marjolein
en dragon bly oor.
Opgedien voor my vadersaangesig
wat sou hy sê?
waarskynlik in tale praat.
© Anton Döckel 2023