Nartjie
Opperman – askies
My voete rus op ’n gepluisde mat
vrouens mag maar my lewe reël
iemand woel in die kombuis
druk besig met n koffiemeul
As ek die nartjie se kleur afskil
en die skyfies op die bord uitpak
wil ek een laat agterbly.
Één uit die hele kartondoos
roep die boorde weer van Swartfoloos
Al wis ek waar gaan skille heen
– dit val uiteindelik in ’n vuilgoedsak –
bly die woordewiel draai, eindeloos
Ek nooi jou na my voorhuis
ouma gaan op die orrel speel
ruik na anys, naeltjies en kaneel
iemand… iemand hooggeleerd
sal olfaksie êrens gaan uitsnuffel
Sproeireën DJ Opperman (in Brink 2008:277):
© Anton Döckel 2023