Goeie raad van bo
By die samesang van die rooikophoutkappers
val die mannetjie in en word oombliklik gevolg deur haar.
En so weergalm die ewige herhaling van die hoogste takke af:
Kom ons praat … kom ons praat … kom ons praat … kom ons praat …
en later al hoe kwater:
Kom ons paar … kom ons paar … kom ons paar … kom ons paar …
Die waarde van goeie voorspel,
oor en oor beklemtoon:
sinvolle raad vir almal doenig daar
onder in die Laeveld.
© Hennie Nortje, 2023 Noord van Malelane, Turksvy Publikasies.
