Tien Gebooie van die biblioteek
Ek is jou Bib wat jou van verveling bevry het
Moenie ander prente op die boek se aangesig plak nie
want die Bib is jaloers op sy boeke
en as jy daardie reël oortree
sal die sonde vertel word aan jou kinders
en jou nageslag sal op die swartlys wees
Jy sal nie ander media aanhang nie
Jy sal nie afskrifte maak van enige boeke,
want kopiereg sal jou straf tot in die 3de en 4de geslag
Jy sal nie die woord “God” ydellik uit-Tippex nie
14 dae kan jy aan ’n boek lees maar op die 15de teruggee
Jy mag niemand met ’n ensiklopedie doodslaan nie
Jy mag nie die boeke steel nie of lieg
dat jou buurman dit verbrand het
omdat jy sy vrou met ’n hygroman verlei het nie.
Tot sovêr die wet
© Anton Döckel 2024