insulien, ʼn klein mitologie
op eilandjies ver van Griekeland
speel ʼn intrige in die kleine af,
ʼn stryd om grondstowwe en skatte,
onderhandel boodskappers,
storm troepe uit Trojaanse perde,
veg ridders verbete,
meng gode lukraak in –
helde met spies en swaard bring
soet verligting
en tydelik is daar oorvloed
en fees, klink Pan
se fluite op en rus Achilles
op sy louere, verbeel hom
van sy swakheid genees.
Ó Ilse van Staden, 2024