Borskanker
Toendertyd ‘n vonnis met skalpel
skêr en diatermie aangespreek:
tot op been en ribbekas gestroop.
Só word strelende kontoer
tot ‘n vlakte geplunder.
Daarna elke klier in die oksel gejag,
jou arm gru en geswolle nagelaat.
Deesdae speur ons haarfyn
deur ‘n naald vir selle; ontleed
om behandeling te beplan,
die gewas chemies verskrompel,
met kleurstof gemerk om deur
‘n minuskule snit te dissekteer.
Die kliere met radio-isotope
noukeurig nagespeur.
Wanneer alles verby is,
knoop jy jou bloes toe,
skud jou hare reg,
groet die arts agter sy lessenaar
amper as ‘n blote nagedagte.
Hendrik J Botha 03/2024
By concentrating on precision, one arrives at technique.
Bruno Walter.
Hier is die mediese wetenskap en die digkuns vir mekaar
gegee; die een impliseer die ander.