Digterboer aan bereddenaar
Beleef dié perd met my, die springteuels styf.
Hy hoef nie jou neus in slaggate te vryf.
Verbeel jou ‘n veiling met alles van formaat,
dink aan lyne wat nie daal, klas sonder kyf.
Vandag is jy ‘n afslaer met binnegoed en bek;
kopers is nie huiwerig om te bie of bespreek,
hulle val oor mekaar om jou aandag te trek,
alles nou hier pedigree, alles is perfek.
Die eienaar ‘n ligvoet boer, vergete sy naam,
kwalifiseer terloops deur Draaifonteinram,
voortbrengsels uniek, nie in die mark nie vir rull,
en vir ‘n blik agter die skerms nimmer te skaam –
kan maar gebrandmerk wees dat hy beaam
hy is skuldig aan wat op eie bene moet staan.
© Pirow Bekker, 2024