Dag‐ en nagewening
Tracy Shaw
My astroloog, sy wat al die sterre
en hemelliggame, kaart en transport
staan verewig in Nomadiese sterre.
Presies môre, 23 September, word die son
geskaal in Libra, om ewewig volledig te vind.
Alles sal ontwaak uit hierdie hibernasie,
glo die begin van Lente en soggens ruik
die japonikas, blom die madeliefies al.
Miskien is jou winter ook verby geliefde?
Sal ons weer saam óm die aarde draai,
vér weg van winterse venyn en verdriet
soekend na sin en samehang in ons sonnet
sonder rympatrone of regte, egte patrone:
sans oktaaf of sekstet, sommer net.
© Joan Hambidge, 2024
Mooi, vol onthou en terugskryf. Dinkverlang.