Te klip om te boom?
Opperman
As klippe kon teel
glo meer as miljoene jare,
sou die klippe in my woning
gesprokkel in Machu Picchu en Nagasaki,
elders uit Jerusalem en Varanasi,
‘n klein heilige altaar kon word.
Klipstapels verklap ‘n brandoffer,
soos die steen van die opening weggerol
met die engel se gedaante soos weerlig,
sy kleding wit, ja witter as sneeu.
Daar was ‘n aardbewing toe
daardie engel uit die hemel neergedaal het.
Nou wag ons steeds op ‘n wonderwerk
van vrede, wyl ek my woorde stilweg offer.
© Joan Hambidge