Cyril ‘hoop en bid’ vir einde van oorlog in Oekraïne
Netwerk24, 28 April 2022
Ons vra vir genade, Sy genade
vir broers wat teen mekaar veg; hulle aan
weerskante van die front wie se dade
Sy naam onteer in hul wreedheid en waan.
Ons vuurpyl besoek die ligjuwele,
hoog deur Hom geplaas in die son se kroon;
sekuur tref ons vuurpyl ook vir hulle
in wie Sy Skeppingsgees en Skoonheid woon.
Ons neem die atoom wat ons almal bind
– Sy asem in kil materie geblaas –
en split dit tot afgryslike kernwind
wat vrou en kind klee in hartseerwaas.
Mag Sy hand van genade ons aanraak,
mag oor ons Sy hand van vrede nou waak.
© Stephan du Toit, 2025