Tienermeisie
Die aand toe jy op ‘n verlate strand
onder die volmaan staan wat silwer dein,
het tot in jou siel daar op die fyn wit sand
‘n diep misterie en ontsag geskyn.
So mooi jou hemp, ‘n wapperende vlag
van vrede; jou hare wat tergend met
die sterk seebries dans wat in dié magiese nag
geheel verkwikkend jou toegevou het:
ekstase vul die seile van jou gees;
jy vaar na oseane onontdek.
© Stephan du Toit, 2025