deursigtige oggend
alles is deursigtig en deurlaatbaar –
bome, oggend, draad en water
en ook die dood
die raam hou niks binne nie
die lig sluier uit ʼn sagte son
en laat jou oorbekende silhoeët
met ʼn hand op die hekkie
huiwerend aan die ander kant
van water en heining, geraam
aan die sonkant van die hier
alles is agterlaatbaar en deursigtig –
winterheinings, kindwees, sonlig
en ook die dood.
© Ilse van Staden, 2025
https://woordhuis.wixsite.com/marcelladeboom/s-projects-basic
Beeldskoon hoe hierdie gedig vloei.