Keer terug, kom
Jesaja 21:11
Die môre kom en ook die nag
weerloses slaap voor ons kompleks
vullis word plastiekblomme vir ons gelaat
die swaels herinner aan ander trekvoëls toe ek reis
na verre landstreke met ‘n instapkaart
gestempel met ‘n sitplek heel voor
tot dit wat ek agter laat en terugvind
later in ‘n reistas my paspoort op my bed
langs ‘n blou bril horlosies die tyd
tik want die môre sal kom en ook die nag
Die môre kom en ook die nag
die môre kom en ook die nag
© Joan Hambidge