Hello woordmens
Vroeër vanjaar het ek my eerste spoken word album Ontaard vrygestel, en oor twee weke het ek die voorreg om die album vir die eerste keer live by Woordfees te perform – 11 Oktober om 16:30 en 14 Oktober om 11:00.
Ek werk saam met die musikante Odwa Bongo (stem en uhadi), Luke Verrezen (bas), die movement artist Eddie Newman en die Peruaanse digter Jorge Alejandro Ccoyllurpuma om te kyk hoe ver ons spoken word in Afrikaans kan push. Die musiek is eklekties – lofi, drum & bass, amapiano, inheems en klassiek. Die tematiek strek wyd – my kleintyd, die klimaatskrisis, ons verre en onlangse geskiedenis.
Die show is ook ’n hergeboorte, ’n tuiskoms in ’n scary wêreld. Kom vergader saam ons om die woord om ons asems (while they last) op hierdie brandende planeet te vier.
Kaartjies by Quicket.
Stook die vreugdevure!
Pieter Madibuseng Odendaal