Tertius Kapp het in Kaapstad skoolgegaan. Hy studeer aanvanklik BA en toe B.Sc aan die Universteit Stellenbosch. Hy behaal eers sy B.Sc honneurs-graad en later ook ‘n MA in Kreatiewe Skryfkunde onder leiding van Prof Marlene van Niekerk.
Van sy gedigte word opgeneem in versamelbundels soos Uit die stof die see … , Nuwe Stemme 2 en Die Groot Verseboek.
Tertius is ook ‘n dramaturg, regisseur, en draaiboekskrywer. Hy het die regie waargeneem van onder andere De Familie Wagenaer, Skroothonde, Sielsiek, en Harmse. Hy is veral bekend vir sy verwerking van Dis ek, Anna vir die grootskerm. In 2016 word dit bekroon met ses Safta-toekennings, onder andere vir beste vollengte rolprent. Sy toneeltekste Rooliand en Oorsee word in 2015 bekroon met die Hertzog prys vir Drama.
Tans woon hy in Johannesburg en is ’n vryskutskrywer.
Besoek gerus sy webtuiste vir meer inligting oor sy werk.
[Nota van die Versindaba redaksie: Ons wil graag nuwe en ou digters aanmoedig om vir ons opgedateerde profiele aan te stuur na taljard.marlies@gmail.com
Van ‘n digter wat al een of meer solo-bundels by ‘n erkende uitgewer gepubliseer het, versoek ons die volgende:
-
-
- ‘n Redelik onlangse foto in JPG-formaat
- ‘n Lys van publikasies (ook die belangrikste nie-poëtiese publikasies)
- ‘n Kort lewenskets wat inligting bevat oor o.a. waar en wanneer jy gebore is en grootgeword het, waar jy studeer het, watter beroep jy beoefen of waarmee jy jou tans besig hou, waar jy op die oomblik woon, ens.
- Enige ander interessante feite oor jou
-
Skryf asseblief die profiel in narratiewe vorm en nie as ‘n reeks feite ondermekaar nie, ten einde dit meer lesersvriendelik te maak.]