gewigloos
‘n enklawe skep ons
‘n replika van behoort
ons gebeente is hier
maar ons hart klop
aan ‘n plaashuisdeur in die vrystaat
giant’s castle blaas sy drakensvuur
in ons longe
hoog bo die sandsteen van golden gate
is ons ‘n lammergeier in vlug
ons is die oranje
wat deur die richtersveld beur
van indies tot atlanties
skakeer ons bloed
die skemerhorison
gewigloos is ons
geraamtes in die vreemde
ons woon in die lug
kasteel
© Stephan du Toit, 2026