Glo deur die solderdeur
In die Roggeveld nie ver van Gunsfontein
met sy blanke horisonne waar daar
verse gemaak is oor knolplante
biesieveld en renosterbos
bo ’n magtige uitspansel van konstellasies
oor die koue Sutherland
Is misdaad aangemeld by die Louwhuis en Museum
in ’n stil straat omhein deur hoë ondeurdringbare draad
bestand teen tang en koevoet
Daar waar eerste tree en vers verewig is
waar nou vele geskiedenisse, artefakte en
bruin houtreiskis na baie jare
stille getuienis is van een groot denker van melewe
© Marius W Garbers, 2026