Posts Tagged ‘Louw Kruger gedig’

Louw Kruger. Oudtshoorn

Friday, December 10th, 2021

 

Oudtshoorn

 

Lank strek oggendstrale

oor sluimerende strate.

Vir oulaas wuif ‘n briesie

oor laasnag se passie.

 

Vroegdag skimmel die hitte

en in lope sing sonbesies.

Slurpe maak riviere leeg

wagtend op Outeniqua se guns.

 

‘n Aandbries bring weer lewe

en roep geeste uit die Kango,

om rituele uit die rante te trap

van genot lankal vergeet.

 

© Louw Kruger, 2021