Ag was dit nou nie lekker om Theunis Engelbrecht se artikel oor Koos hierdie naweek in die By te lees nie! Uiteindelik neem mense notisie van hierdie vreemde underground band van die 1980s. Ek is bly hy skryf ook oor die rol wat die digter Johan van Wyk daarin gespeel het.
Ek kan Fred de Vries se boek Club Risiko aanbeveel vir mense wat in die underground belangstel. Hy kyk in hierdie boek na Koos se rol in Johannesburg, maar ook na soortgelyke bewegings (of anti-bewegings?) in plekke soos New York, Londen, Berlyn, Ljubljana en Amsterdam. Lees meer oor die boek hier.
Alle eer aan Paul Riekert wat Koos se kasset op ʼn CD gesit het. Soms moet die underground mense ook maar herinner aan die feit dat hulle daar is.